قصة واقعية على شواطىء الخليج

فيه اثنين شباب راحوا البحر جلسو على الشاطئ ومعاهم عشاهم. وهم جالسين
يتعشون جتهم عجوز كبيره في السن وقعدت تلقط الأكل المنثور على الأرض
وتأكل. ولما شافوها قالولها أنتي جوعانة قالت أنا هنا من الصبح وماأكلت شئ
جابني ولدي من الصبح وراح وخلاني وقالي راح أجي آخذك بعد شوي.المهم جابوا
لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت
متأخر والجو بدا يبرد ومايصير يتركون العجوز على الشاطئ لحالها في الليل
وجاء واحد من الشباب وقال لها عندك رقم ولدك نتصل عليه نخليه يجي آخذك .
قالت العجوز إيه معي الرقم في ورقه . ولما طلعت الورقه . ايش تتوقعوا
مكتوب فيها ؟؟؟؟؟ مكتوب ( من يجد هذه المرأه يآخذها لدار العجزه) انصعقوا
الشباب من المكتوب في الورقة وجلسوا ساعة يترجون العجوز تمشي معاهم.
ويحاولون فيها إنهم يوصلوها أي مكان هي تبيه . أكيد العجوز رفضت أنها تروح
معاهم لأن ولدها وعدها إنه يجي يأخذها وتبي تستناه لما يجي.وكانت تقول
ولدي راح يجي يآخذني وأنا راح استناه . ماتدري المسكينه إن ولدها تنكر لها
ورماها في الوقت الي هي فيه محتاجه له.المهم راحوا الشباب عنها وأتركوها
على أمل إن ولدها راح يجي يآخذها حسب وعده لها. فيه واحد من الشباب قعد
يتقلب في الفراش وماقدر يرقد يفكر في مصير العجوز المسكينه وقام من فراشه
وغير ملابسه وركب سيارته وراح للشاطئ. ولما وصل. شاف الاسعاف والشرطة
والناس مجتمعين ودخل بينهم شاف العجوز قد فارقت الحياه ولما سألهم عن سبب
وفاه العجوز قالو له أرتفع معها الضغط وماتت. ماتت من خوفها على ولدها
يمكن يكون صار له شئ. ماتت وهي تستنا ولدها يجي يآخذها. ماتت وهي بعيده عن
أهلها. الله يرحمها برحمته ويدخلها من أوسع ابواب جنته.أدعوا معي آمين.
أرجو من كل من يقرأ هذه القصه أن ينشرها لتكون موعظه لكل عاق لوالديه وأن
يعلق على هذا الموضوع لتكون الفائده أكثر .

تعرض احد الشعراء لنفس القصه وكتب هذه القصيده على لساااااان الام المفجوعه



ومعقوله تجي منك وترميني لأي انسان
ويلملمني ولايلقا أبعيوني غير دمعاتي

انا ماصدق أنك انت تنهيني من الوجدان
وترميني وأنا اشوف القبر نادى مسافاتي

و**رني الشتاء ياوليد وأنت بداخلي دفيان
وتحملت الأسى والضيم عشان يابعد ذاتي

وصحى بي البرد واللاهوب وأنت بداخلي غفيان
تحملت السنين وقلت على الله أتلملم شتاتي

أنا امك ياهيه أمك حملتك والعذاب ألوان
ولدتك والألم سكين يركز داخل لهاتي

وأنا أثناء الولاده من بكا صوتك طعنت أحزان
لأني شفتك بصوتك تنادي كل طموحاتي

ومهدتك في عين وعين يشرب حزنها القرأن
وهزيتك وكان النور يتهزهز من دعاتي

أضمك في يديني لا تجي وتقول أنا بردان
تركت البرد لظلوعي رح أنشد رعشة شفاتي

وزولك من ركض فيني لمست بداخلي أوطان
وتركتك تبني بمجدك على أكتاف أن**اراتي

وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي

كبرت وصرت بعيوني شجاع وأشهم الفرسان
وحلفت أني على عرسك لرقص كل شيباتي

أسولف للبشر عنك أقول ولابه أي نقصان
رضع عز الشهامه شب طموحه في معاناتي

وله شان الصقر لا لا أخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان أقول وليدي لا ماخان
وهم يدرون ماغطى منامي غير وناتي

أفا وشلون تتركني يكحلني عمى النسيان
وأنت أدرى في يوم الحشر جنه تحت خطواتي

لك الله مانطق صوتي لك ألا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للأسف تندان
ويرمونك مثل أمك وتذكر حلم شيباتي